ثمانية مطاعم تونّس مع عبدالله بوخالد

نسمع بقوائم مطاعم لذيذة.. بس قد سمعت بقوائم مطاعم تونّس؟ تطلع منها مبسوط.

يشاركنا ضيفنا عبدالله بوخالد، قائمته لأكثر ثمانية مطاعم تونّس في الرياض، كون أنه ذويّق، ومؤسس قوائم طعام لمطاعم وقهاوي كثير، ومعروف بتجاربه للأكل.

قائمة عجيبة مختلفة، بين مطاعم تونّس بالتجربة اللي تقدّمها مثل «دبليو بي جي» (WBJ) اللي يعطيك طاولة للأكل ويشغل لك فلم وأنت بالسيارة، ومطاعم لها ذكرى عند كل شخص مثل «ماكدونالدز» اللي مرتبط بآخر يوم اختبارات وجدول بعد الزواجات أو نهاية أي يوم طويل.. وغيرها من المطاعم اللي جوّها يونّس وأكلها لذيذ.

تنويه: كل المطاعم تجربة شخصية من شخص يحب الأكل.

شاركونا لو عندكم توصيات مطاعم تونّس!