أماكن وتجارب رهيبة في الرياض ندلك عليها
نعلمك في النشرة عن جديد الرياض، وكيف تقضي يوم من نهاية عطلة الأسبوع.
أنا رهام. مولودة وساكنة في الرياض، وأحب الرياض أكثر من أي مكان في العالم.
ومتحيزة للرياض دائمًا لأنها مدينة مختلفة، أصيلة بتاريخها، فيها الجديد والقديم، والأهم ناسها السمحين اللي سهل تفتح معهم أي سالفة. 💚
في السنوات الأخيرة، ومع كثرة الناس اللي نقلوا للرياض، دائمًا أسمع منهم أن الرياض ما فيها تجارب، وما فيها حياة. مدينة جامدة، ما تشبه حياة المدن الأخرى، والحياة فيها رتيبة وبطيئة. 🐢
في الكفة الثانية عندنا سكّان الرياض اللي تعوّدوا على روتين واحد، ويقولون إنها مملة والأيام مكررة. متعودين على روتين: دوام > قهوة > نادي > بيت. أربعة أماكن تتغير وتتبدّل، لكنها ثابتة في يومهم.😆
وهذا دور نشرة «دليلة الرياض»: تبيّن لك أنَّ الرياض فيها الكثير من الأماكن المختلفة والتجارب المتنوعة الرهيبة. المحتوى فيها حقيقي وأصلي وليس ترويجي، مع فريق يستكتشف الرياض، ما بين أماكن معروفة وأماكن سرّية، من أهل الرياض أنفسهم.
نعلمك فيها أيضًا عن جديد الرياض، وكيف تقضي يوم من نهاية عطلة الأسبوع، ونجاوبك عن أسئلة دقيقة ما تعرف من ترجع له فيها. وفي كل خميس نخوض تجربة نشاركها معكم.
💡 معلومة تهمّك
نشرة دليلة الرياض جزء من خطّ ثمانية الجديد: معيشة ثمانية.
نجمع فيها تجارب جديدة تغير فكرتك عن العيش، وتشعل فضولك للحياة. محتوى يرفع مستواك المعيشي، ويعطيك توصيات للثلث المتبقي من يومك. 🧗 🥘 🤹♂️
ثمانيةتحس أنّك تعرف الرياض؟ سواءً كنت ساكن فيها، أو مختّمها، أو جديد فيها، هذه النشرة لك. قبل نهاية الأسبوع، نرسل لك تجارب وتوصيات وجديد الرياض وأماكنها المعروفة، والأهم، السريّة.