عبادي حجّاي

بدأت الحلقة بتتويج «حلتيته» جديد: أسامة بازيد، وحاول عبادي يبعد التهمة عنه وسلّط الضوء -فوق ما هو مسلّط- على حبّة في جبهته، والحبوب عمومًا اللي تطلع قبل المناسبة بيوم.

استضفنا التوأم المهندسين عبدالله ومحمد الدهامي، المعروفين بـ«ترك المهندسين» من فريق «أو جي» (OG)، واللي لو بدّلوا أماكنهم في نص الحلقة ما انتبهنا.

التعفّن الدماغي مشكلة.. يخلّيك ما تكمّل متابعة مقطع طويل، ودايم تبي اللي بعده، فما ودنا نطوّلها عليك.. هالمرة الحلقة بدون وصف؛ للمتعفنين دماغيًا أولًا، ثم ثانيًا لكشفكم هل تقرون الوصف ولّا لا؟ 🤨

سولفوا الشباب مع الكوميديان الرهيب أوس النفيعي، عن السيارات القديمة من الكراون فكتوريا لين أول سيارة ساقها كل واحد منهم، ثم تناقشوا عن سيارة «سير» الكهربائية السعودية الجديدة.

حلقة اليوم عن الصدفة والتخطيط، وبين محاسن الصدف وترتيب المواعيد، والفرق بين الصدفة والحظ.

يقولون الأخ الكبير له دور في التربية، أو له دور بس، أو تربية بس.. ما ندري، لكن استضفنا الأخ الكبير القدير محمد بازيد عشان نعرف، بدأت الحلقة بعشوائية سوالف ما بين هبّة عبادي في الاستثمار بالأسهم.

لأول مرة، بودكاست وش كنا نقول يعرفون وش يقولون، نقاش محترم ومواضيع مفيدة.

سولفوا عبادي وأسامة مع ضيوفنا: خالد عبدالعزيز وإبراهيم الخيرالله، عن الوسط الفنّي وعلاقته باعتزالات الفنّانين، مثل اعتزال داليا مبارك، واعتزال طارق العلي المزيّف.

مين قرر أن موسم عزّ الحر اسمه «جمرة القيظ» أو «طبّاخ التمر»؟ وأيش سبب تسمية المواسم عمومًا.. «بيّاع الخبل عباته» و«مقرقع البيبان» و«مبكي الحصني» وهاتك من هالتسميات.

أخيرًا، رجع بودكاست وش كنّا نقول! سولفوا العيال عن سفرة تايلند، وقصة النصب اللي صارت لهم في آخر الليول.