عبادي حجّاي

أخيرًا، رجع بودكاست وش كنّا نقول! سولفوا العيال عن سفرة تايلند، وقصة النصب اللي صارت لهم في آخر الليول. وختمنا الحلقة بفقرتنا الجديدة: «خدمة العملاء» استقبلنا مشاكلكم، -وزدناها مشاكل- وحلّيناها.

في وداعية الموسم الأول، شرّفونا ضيوف من العيار الثقيل! تكلمنا عن أسرار البودكاست اللي ما قد انقالت، مثل سرّ الكنبة البرتقالية، وهل الوضع تمثيل ولّا لا.

سولفوا أسامة وعبادي عن الأشخاص اللي يحاولون يفوزون على البرد ويثبتون قوّة تحملهم لين يقلب لونهم أزرق وتتراقص أسنانهم، ثم حوّلوا على الحنين للماضي وأجواء رمضان والعيد زمان.

شرّفنا يزيد الموسى من وراء علم أسامة صالح، بس بيحاول يصلّح العلاقات. ومن البداية استلموه عبادي وأسامة على دقنه وشعره، بالمقابل قرّر يزيد يمسك نفسه لأننا في رمضان.

وصلت معه عبدالله الرويس على سالفة الناس اللي يبالغون في موضوع «أعراض انسحاب القهوة»، وينهارون إذا ما تسحّروا «مندي» ولّا «بخاري»، وكمّل عليها عبادي بالحركات اللي لازم تتوقّف في رمضان 1447.

بين هذا وذاك، بيسولفون عن التصرفات الغريبة اللي تجي من الطفشان، واللي سوّاها أسامة في نص الحلقة صوت وصورة.

في هذه الحلقة، قرر عبادي يفتح ملف العين والحسد، برفقة عبدالعزيز الهديان اللي يعطينا الترقيعة المناسبة لما أحد يتهمك أنك عطيته عين!

هل أنت شخص مواكب للترند؟ في هالحلقة بيسولفون عن أشكال المواكبة، متى تكون مواكبة محمودة ومتى تكون سلبية.

أيش المقلب اللي يضحّك وأيش المقلب اللي تعتبره خط أحمر؟

حلقة عن كل ما هو خارج المألوف، مع أبو حمدان، ونقاش -غير مهم- عن ليش ما نرجع كلنا نفكر داخل الصندوق؟